පුද්ගලිකයි රහසිගතයි

“1898 වසර මගේ හිතමිත්‍ර ෂර්ලොක් හෝම්ස් මහතාට කාර්ය බහුල වසරක් වූ බැව් මගේ සිහියට නැඟේ. විදේශ අමාත්‍ය ධුරය දැරූ ශ්‍රීමත් පෝල් කොලිං වුඩ්ගේ අභිරහස් මරණය පිළිබඳ ගැටලුව හෝම්ස් විසඳුවේ මේ වසරේ දී ය. ඩෙන්මාක් රජ කුමරියකගේ විවාහ මංගල්‍යයට බාධා කරමින්, කප්පම් ඉල්ලමින් සිටි. නෝර්විජියානු ජාතික රොබට් ලෙමිං නම් පාතාල ලෝකයේ අපරාධකරුවා හෝම්ස් විසින් අල්ලා ගන්නා ලද්දේ ද මේ වසරේදී ම බව, මගේ සටහන් පොත් පරික්ෂා කිරීමේ දී පෙනී යයි. මීට අමතරව එඩිං බ්‍රෝහි මහා බැංකු මංකොල්ලය හා ප්‍රංශ වීණා වාදකයා පිළිබඳ සිද්ධිය 1898 දී මගේ මිත්‍රයා විසින් විසඳන ලද තවත් අභිරහස් දෙකකි. එම අවසන් සිද්ධිය ප්‍රථමයෙන් ඔබ වෙත ගෙන ඒමට මම අදහස් කළෙමි.