අපගේ නොව පැරණිය වන රමණිය පොත් පෙළ – අංක 5′ වශයෙන් මෙසේ ඔබ අතට පත් වන්නේ අවුරුදු 91 ක් පැරණි අගනා ග්‍රන්ථයකි. ඉතිහාසය හා ඉංගිරිසි භාෂාව පිළිබඳ ප්‍රාමාණික උගතෙකු වූ ඩේවිඩ් හසී මැතිතුමා 1923 දී ලංකා විශ්ව විද්‍යාලයේ ඉංගිරිසි භාෂාව පිළිබඳ කථිකාචාර්යවරයකු ලෙස පත්ව ලංකාවට පැමිණ අනතුරුව මහාචාර්ය ධූරයද හෙබවීය. එතුමා විසින් ඉංගිරිසියෙන් ලියන ලද Ceylon and World History නම් මා හැඟි ග්‍රන්ථ මාලාව ලංකාණ්ඩුවේ අධ්‍යාපන මණ්ඩලය මගින් සිංහල භාෂාවට පරිවර්තනය කරන ලදුව 1930 වර්ෂයේදී පළ කරන ලදී. අප විසින් මෙසේ නැවත පළකරන එම අගනා ග්‍රන්ථයේ පළමු කොටසින් ක්‍රි. ව. 1505 දක්වා වූ කාලය ආවරණය වෙයි.