අසංජානනී – Asanjananee

නිර්මාණකරුවෙකුට තමා අවට ලෝකය ම නිර්මාණයන්ට පාදක කරගත හැකි වස්තු බීජ වලින් සපිරි පාරාදීසයකි. තමා අත්විඳින සහ දකින, අසන අනන්ත අපරිමාණ සිදුවීම් තුළ බොහෝ අපූරු කතා මූලයන් තිබිය හැක. ඒවා තෝරා බේරා ඔප දමා කිසියම් අපූර්ව අරුතක් ගම්‍යවන ලෙසින් පෙළ ගැස්වීම නිර්මාණ කරුවාගේ ප්‍රතිභාව අනුව සිදුවේ. නවකතාවක් සෑම විටම නව අරුතක් දනවන ආකාරයෙන් නිර්මාණය විය යුතුය. ප්‍රේමය සහ මධ්‍යම පාන්තික පවුල් ජීවිතය තේමා කරගත් දිගැසි පබසරා අමරසිංහ ගේ අසංජානනී නවකතාව ජීවිතය දෙස අලුත් ඇසකින් බලන්නට ගත් අපූරු උත්සාහයකි.