කරන දේ හොඳට කරන්න
ඔබ කරන දේ ඔබේ මුළු ශක්තිය යොදා කරන්න. තවත් විදිහයකින් කිව්වොත් “කරන දේ හොඳට කරන්න” නම් මෙම දේශනය අජාන් බ්‍රහ්මවංසෝ මහතෙරුන් වහන්සේ විසින් ගෝලීය සම්මන්ත්‍රණයකට සහභාගි වූවන් සඳහා පැවැත් වූ දේශනයක සිංහල පරිවර්තනයකි. එදිනෙදා ජීවිතයේදී අප ඉටුකරන කාර්යයන් මෙන්ම භාවනාව වැනි සිත සන්සුන් කර ගැනීමේ ව්‍යායාමයක දී වුවද අපේක්ෂිත ප්‍රතිඵලයට පරිපූර්නව ළඟා වීමට නම් කරන දේ හොඳට කරන්න යන්න මෙම දේශනයේ මූලික හරයයි. කරන දේ හොඳට කරන විට මනස ශක්තිමක් වන බව, කයට වෙහෙසක් නොදැනෙන බවත් උන්වහන්සේ පවසයි. විශේෂයෙන් ආත්මාර්ථයෙන් තොරව අනුන්ගේ යහපත පිණිස ඉටු කරන්නා වූ කවර කාර්යයකදී වුවද මනසට විශාල ශක්තියක් හා ප්‍රබෝධයක් ද ඒ නිසා තෙහෙට්ටුවෙන් තොරව කළ යුතු දේ හරියට කිරීමෙන් ශාරීරික ශක්තියක් ද ලැබෙන බව උන්වහන්සේ සිය අත්දැකීම් ඇසුරෙන් විස්තර කරයි.
