සිනාසෙන සුදු හාමුදුරුවෝ 8 – Sinasena Sudu Hamuduruwo 8

හෘදය සාක්ෂිය පිළිබඳ විශිෂ්ට කතාවක්………

මේ පිළිබඳ ඉතා විශිෂ්ට කතාවක් මම දැන් ඔබට කියන්නම්. මේ කියන සිදුවීම සිදුවුණු වියට්නාම යුද්ධය කාලයේ මම තරුණ භික්ෂුවක්ව සිටියා. මා භික්ෂුවක් විදිහට හැදී වැඩුණේ මේ යුද්ධය තිබුණු කාලයේදීය. මේ මහා යුද්ධයේදී අතිශයින් බියකරු සිදුවීමක් සිදුවුණා. මෙය යුද අපරාධයක්. එය මයිලායි සමුල ඝාතනය නමින් හඳුන්වනවා. ඇමරිකානු සොල්දාදුවන් කණ්ඩායමක් වියට්නාමයේ ගමකට ගියා. මයිලායි නම් මේ ගමට ඔවුන් ගියේ ඒ ගමේ සිටි සියලුම පිරිමින්, ගැහැනුන් ළ මුන් මරා දැමීමට ඔවුන්ට ලැබුණු නියෝගයක් ක්‍රියාත්මක කිරීමටයි. මේ ගම, යුද වැදී සිටි කොමියුනිස්කාරයන්ගේ තිප්පොළක් නිසා මේ ඇමරිකානුවන් සිතා සිටියා ගමේ සියලු දෙනාම මරා දැමීමට. මෙය යුද්ධයකදී ලැබුණු නියෝගයක්. අහම්බෙන් වගේ පුවත්පත් වාර්තාකාරයෙක් මේ රුදුරු සමූල ඝාතනය ගැන දැන ගත්තා. ඔහු මේ ගැන පුවත්පත් වලට වාර්තා කළා. ඒ නිසා මේ සමූල ඝාතනය පුවත්පත්වලින් ලොව පුරා ප්‍රසිද්ධියට පත්වුණා. පසු කලෙක සමූල ඝාතනයට අණ දුන් හමුදා නිලද්ධාරියා ලුතිනන් කැලිට එරෙහිව යුද අධිකරණයක් ඉදිරියේ නඩු පැවරුවා. ඔහු මේ අපරාධයට වරදකරු වී සිරගෙට යැව්වා. නමුත් පසුව ජනාධිපති නික්සන් ඔහුට සමාවක් දුන්නා. එය බොහෝම අසාධාරණ ක්‍රියාවක් බවට විවේචනයට ලක්වුණා.