සොආද් වයස දාහතේදී ආදරයෙන් බැඳුණාය. විවාහයට පෙර, එබඳු සබඳතාවක් පැවැත්වීම පවුලට ගෙනෙන අපකීර්තියක් ලෙස බටහිර ඉවුරෙහි සලකනු ලැබිණි. එයට දඬුවම මරණයයි. ආලයට දඬුවම් ලෙස මරණ දඬුවම හිමිවූ සොආද් පුළුස්සා මරා දැමීමේ වගකීම පැවරෙන්නේ සොආද්ගේ වැඩිමල් සොයුරියගේ ස්වාමි පුරුෂයාටය. ඔවුන්ගේ සමාජය තුළ ඒ වගකීම ඉටු කළ තැනැත්තා වීරයෙකි.
ප්රාතිහාර්යයකින් මෙන් සොආද් දිවි ගලවා ගත්තාය. විශ්වාස කළ නොහැකි සමාජ කෘරත්වයද, ගැහැනියකගේ අප්රමාණ ධෛර්යයද, දිවි ගලවා ගැනීමට ඇය තුළ වූ අධිෂ්ඨානයද ඇතුළත් මේ සැබෑ කතා පුවත ගැහැනිය මුහුණ දෙන කෘර වද හිංසනය පිලිබඳ සාක්ෂි සමූහයක් සපයයි.
