මොනර පිහාටු – Monara Pihatu – Mohan Raj Madawala

ජීවිතය නම් මේ ය. බෙදා ගත නොහැකි කිසිවක් මෙහි නැත. බැලූ බැලූ අත ඉතිරී පැතිරී ඇත්තේ ආදරයම පමණි. එය එකිනෙකා වෙත වූ පුද්ගලික ආදරයක් නොවේ. මෙලොව ඇති විය හැකි උතුම්ම ආදරය යි.
හදවතකින් හදවතකට ගලා හැලෙන ඒ කොන්දේසි විරහිත ආදරයෙන් ඔවුන් සියලු දෙනා එකාවන්ව මත් වෙමින් සිටියහ.
සැබවින් ම ඔවුන් සිටියේ මේ මහ පොළොව මත නොවේ. ඔවුන්ගේ සිතිවිලි අනෙකා කෙරෙහි බැඳී ආදරයෙන් පිරී ඉතිරී පැවතිණි. ආදරය ආදරය ම විනා අන් කිසිවක් අපේක්ෂා නොකරයි, ආදරය කිසිවෙකුටවත් අයිති කරගන්නට ද නොහැකිය. ආදරය ආදරය මිස අන් කිසිවක් අයිති කර නොගනී….